Tríkilja ikki egnað til Fugloyarleiðina

Tríkilja ikki egnað til Fugloyarleiðina
Fulgoyar kommuna sigur í hoyringarsvari til uppskotið um eitt avloysaraskip til Strandferðsluna, at ein tríkilja ikki er egnað at sigla til Fugloyar
Í løtuni er tað Ritan, sum siglir Fugloyarleiðina.
 
05.10.2018 - 10:56

Ein tríkilja er ikki egnað til farleiðina út í Fugloyar. 

Tað sigur Fulgoyar kommuna í hoyringarsvari til uppskotið frá landsstýrismannninum í Samferðslumálum um eitt avloysaraskip til Strandferðsluna.

Fugloyggin er útoyggj, og talan er um streymasjógv og brimpláss, so serligar eru til flutningstól og atløguviðurskifti annars, sigur Fugloyar Kommuna í hoyringarsvarinum.

Sjálvandi er tað hugaligt, at SSL nú arbeiðir seriøst við at loysa avloysara- og flutningstørvin annars, men hetta er ikki nøkur trygg og hóskandi loysn, tá ið talan er um Fugloyarleiðina, sigur kommunan i hoyringarsvarinum.

Sambært uppskotinum hjá Samferðslumálráðnum er ætlanin at byggja eina 27 metra langa skjóttgangandi tríkilju úr herdaðum glastrevjum, ið gongur 28 míl sum tað mesta og 20 míl við ferðafólki. 

Báturin tekur 120 ferðafólk um summarið og um veturin 97 ferðafólk, tí at øll skulu sita inni.

Báturin tekur tríggjar persónbilar ella ein tungan bil og farm og olju. 

Báturin kostar 34 milliónir krónir at byggja.

Er kopiera
Nýggjastu sendingar í ÚV
Sunnudag 26. januar
Dansival
186889
Sunnudag 26. januar
Møti: Møti úr Vitinum í Hvalba
186890
Sunnudag 26. januar
Guðstænasta í Viðareiðis kirkju
186874
Sunnudag 26. januar
Bolero - 26. januar 2025
186872
Nýggjastu sendingar í SV
Sunnudag 26. januar
Guðstænasta á Viðareiði
186881
Fríggjadag 24. januar
Veðrið
186817
Hósdag 23. januar
Heim, kæra heim (1:3)
186749
Týsdag 21. januar
Veðrið
186636
Sunnudag 19. januar
Guðstænasta úr Hvannasunds kirkju
186535