- Útboðið varð ikki skipað eftir føroyskum reglum

- Útboðið varð ikki skipað eftir føroyskum reglum
Handverksmeistarar í Føroyum vilja ikki hava sitandi á sær, at teir ongan áhuga sýndu fyri poltistøðini, sum skal gerast í Havn.
 
24.10.2018 - 10:08

Føroya handverksmeistarafelag sigur, at trupulleikin var, at útboðið bleiv ikki skipað eftir føroyskari lóg, reglum og mannagongdum.

Tí minkaði áhugin hjá føroyskum byggifyritøkum at søkja um undangóðkenning at sleppa at bjóða upp á arbeiðið. 

Handverksmeistarafelagið gjørdi Bygningsstyrelsen, sum stendur fyri arbeiðinum, vart við trupulleikan, og heitti á Bygningsstyrelsen um at skipa útboðið eftir føroyskum reglum. 

Men tað vildi Bygningsstyrelsen ikki, sigur Handverksmeistarafelagið.

Lisitatiónin var í Danmark eftir danskari lóg. 

Eisini varð verkætlanin skipað sum eitt sokallað funktiónsútboð, har byggifeløgini skuldu liðugtprojektera stórar partar av veitingunum. 

Hesin leisturin hevur stóran váða við sær, bæði tá verkætlanin skal príssetast og tá hon skal fremjast, sigur Handverksmeistarafelagið.

Tí var ótrygg verkætlan, og at útboðið ikki varð skipað í samsvari við føroysku útboðslógina orsøkin til, at føroysku byggifeløgini ikki vildu bjóða.

Í skrivinum til Fíggjarnevndina hjá fólkatinginum, har biðið verður um fleiri pengar til politistøðina, sigur Ole Birk Olesen, ráðharri, at fyri upprunaliga útboðið vórðu veitarar í Føroyum gjørdir varugir við verkætlanina. 

Millum annað var kunningarfundur í Havn við tí endamáli at fáa veitarar á staðnum at vera við, "dog uden held", stendur í fíggjarnevndarskjalinum.

Danska byggifelagið Ommen og Møller fekk arbeiðið at gera politistøðina í gamla bankabygninginum við Húsagøtu í Havn.

Er kopiera
Nýggjastu sendingar í ÚV
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Mikudag 18. november
Heilsuhornið
216597
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470