Gomul kæra viðgjørd í dag

Gomul kæra viðgjørd í dag
Er tað í lagi at rinda fólki løn, meðan tey eru í verkfalli? Landsstýrsmálanevndin viðger spurningin í dag
Kristina Háfoss, landsstýrskvinna, er kærd til Landsstýrismálanevndina fyri lógarbrot.
 
26.11.2018 - 08:01

Í dag fer Landsstýrismálanevndin hjá løgtinginum aftur at viðgera eina kæru, sum skjótt er níggju mánaðir gomul.

Bill Justinussen, løgtingsmaður, kærdi fyrst í mars í ár Kristinu Háfoss fyri at brúka almennar pengar í heimildarloysi.

Bill Justinussen sigur, at Kristina Háfoss uttan heimild og móti galdandi reglum hevur goldið limum í Pedagogfelagnum løn, meðan arbeiðssteðgur var. 

Løgtingsmaðurin sigur, at landsstýriskvinnan hevur brotið stýriskipanarlógina, tí hon hevur brúkt pengar hjá landinum uttan heimild í fíggjarlógini ella í aðrari játtanarlóg.

Rykti eftir svari

Bill Justinussen rykti Landsstýrismálanevndina eftir svari 13.september, men endaligt svar haðani hevur hann ikki fingið enn. 

Grannskoðararnir hjá landinum halda ikki, at Fíggjarmálaráðið breyt nakra lóg, tá tað rindaði námsfrøðingum løn, meðan arbeiðssteðgur var.

Men Fíggjarmálaráðið átti at skjalfest tey viðurskifti, sum hava týdning fyri, hví ráðið valdi loysnina at mótrokna seinni heldur enn at steðga lønini.

Tað siga løgtingsgrannskoðarnir í svari til Landsstýrismálanevndina, sum í dag fer at viðgera svarið.

Í lagi siga grannskoðarar

Løgtingsgrannskoðararnir vísa til Landsgrannskoðanina, sum heldur, at grundgevingarnar hjá Fíggjarmálaráðnum fyri at geva frádrátt í lønini seinni samsvara við játtanarreglurnar og tað, sum bar til at gera tá. 

Landsgrannskoðanin hevur tó ikki sæð nakra skjalfesta meting um, hvussu Fíggjamálaráðið hevur tikið avgerðina um afturhald ella frádrátt í lønina í sambandi við arbeiðssteðgin.  

Ymiskt er, hvussu Fíggjarmálaráðið hevur gjørt seinastu árini. 

Í nógvum førum er frádráttur gjørdur í lønini, tá arbeiðssteðgur er, men Fíggjarmálaráðið kennir seg ikki bundið av nakrari siðvenju.

Ráðið hevur tikið avgerð í hvørjum einstøkum føri.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592