Sýria: Kurdar heita á Russland og Assad

Sýria: Kurdar heita á Russland og Assad
Nú USA fer at taka sínar herdeildir úr Sýria, heita kurdiskir leiðarar á Russland og Assad-stýrið í Damaskus um verju móti Turkalandi
Uttan stuðul frá amerikanska herinum, leita kurdarar nú aðrar leiðir eftir stuðli í teirra stríði móti turkarum
Mynd: savnsmynd  
 
27.12.2018 - 18:16

Reuters skrivar, at nú amerikanski herurin ikki longur fer at veita kurdum stuðul og harvið hava tamarhald á turkarum, so royna kurdarnir nú av øllum alvi at finna eina nýggja strategiska leið.

Donald Trump, forseti, tók herfyri eina óvæntaða avgerð um at taka amerikansku herdeildirnar aftur úr Sýria.

Reuters skrivar, at størsti óttin hjá kurdum er ein endurtøka av turkiska álopinum fyrr í ár, og sum rak kurdiskar íbúgvar og herdeildir út úr Afrin, sum liggur í útnyrðingspartinum av landinum.

Kurdar royna eisini at sannføra onnur vestanlond um at fylla tómrúmið, sum verður, tá amerikansku herdeildirnar fara, skrivar Reuters. 
 

Er kopiera
Nýggjastu sendingar í ÚV
Nýggjastu sendingar í SV
Fríggjadag 25. juli
Veðrið
194969
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844