Skuldsettir fyri roynd at fremja fíggjarsvik

Tveir menn, 24 og 44 ára gamlir, vórðu í gjár skuldsettir fyri at royna at fremja fíggjarsvik.

Málið snýr seg um persónbilin, sum í summar varð funnin á sjónum við gamla Leirvíksvegin.

Løgreglan fekk boð frá fjallfólki í Leirvík um, at ein bilur var farin útav á gamla Leirvíksvegnum og lá á sjónum. Bilurin lá á fimm metra dýpi, fimm metrar úr landi.

Løgreglan staðfesti skjótt, at einki fólk var í bilinum ella undir honum.

Løgreglan hevur nú skuldsett 24 ára gamla mannin fyri at hava koyrt bilin útav og fyri at viðvirka til roynd at fremja fíggjarsvik. 

Maðurin játtar seg sekan. 

44 ára gamli maðurin er skuldsettur fyri roynd at fremja fíggjarsvik, men maðurin noktar seg sekan.

Málið er nú sent ákæruvaldinum, sum skal fyrireikað tað, áðrenn verður sent Føroya rætti.