Nógvur gangur í Kollafirði og á Signabø

Kanningin er gjørd yvir tveir mánaðir og tá gangurin var mest, var hann 69 desibel. Markið, sum heimsheilsustovnurin, WHO, hevur sett, er 53 desibel.

Tórshavnar havn, Tórshavnar kommuna, Faroe Pelagic og Umhvørvisstovan hava í felag biðið um kanningina, sum Steingrund Akustik hevur gjørt. Kanningin skal tryggja grundleggjandi vitan um ljóðviðurskiftini í Kollafirði.