Fimm stilla upp til nevndarsessirnar

Tá freistin at bjóða seg fram sum nevndarlim í Starsmannafelagnum var úti á midnátt fríggjakvøldið, høvdu fimm boðað frá, at tey stilla upp til teir báðar nevndarsessirnar, sum standa fyri vali. 

Talan er um tvær kvinnur og tríggjar menn. 

Tey fimm valevnini, sum bjóða seg fram, eru í bókstavarøð: 

Hilmar Augustinussen, Gjaldstovan
Jóngerð Simonsen, Akstovan
Noomi Káradóttir Rasmussen, Sunda kommuna
Rúni Lisberg, Strandfaraskip Landsins
Svend Erik Saxov, Landssjúkrahúsið

Hilmar Augustinussen og Jóngerð Simonsen sita í dag í nevndini hjá Starvsmannafelagnum.

Nevndarlimirnir verða valdir fyri trý ár í senn. Aðalfundurin hjá Starvsmannafelagnum verður í Smæruni 9. mars 2019.

Eins og tvær tær undanfarnu ferðinar skipar Starvsmannafelagið aftur hesaferð fyri talgildum undanvali til nevndarvalið. Hetta er eitt høvi hjá limum felagsins, ið ikki koma á aðalfundin, at greiða atkvøðu.

Undanvalið byrjar leygardagin 16. februar og til ber at velja til fríggjadagin 8. mars kl 15.