Glasir sleppur ikki at hava tøknibreyt

Næmingar í sunnara parti av landinum eiga at sleppa at ganga á tøknibreyt í Havn.

Tað heldur rektarin á Glasi, sum fýra ferðir hevur søkt Mentamálaráðið um at stovna eina slíka breyt á skúlanum.

Og fyri fjórðu ferð hevur hann fingið noktandi svar, hóast játtanin til Glasir eisini røkkur til eina tøknibreyt.

Aksel V. Johannesen, løgmaður, sum í løtuni umsitur mentamál, sigur, at hann kennir so lítið til málið, at hann hevur onga viðmerking í løtuni.