Biður kommunur staðfesta avgerð

Biður kommunur staðfesta avgerð
Tá eldaraøkið var lagt til kommunurnar 1.januar 2015 setti Bú- og heimatænastan sær fyri at keypa øll ellisheim og sambýli í oynni
Tvey ellisheim eru í Suðuroynni, annað er Hamragarður í Vági.
 
20.02.2019 - 13:05

Stýrið hjá Bú- og heimatænastuni í Suðuroynni samtykti í gjár at skriva til kommunustýrini í Suðuroynni og biðja tey um á næsta kommunustýrisfundi at taka støðu til, um tey framvegis halda fast við gomlu avgerðina um at Bú- og heimatænastan keypir ellisheimini og sambýlini í oynni. 

Tá eldaraøkið var lagt til kommunurnar 1.januar 2015 setti Bú- og heimatænastan sær fyri at keypa øll ellisheim og sambýli í oynni fyri meira enn 54 milliónir krónur. 

Eisini sambýlið við Sílá á Tvøroyri fyri 11 milliónir krónur. 

Men samtyktin hjá Bú- og heimatænastuni er ongantíð framd í verki.

Nú vil stýrið fyri Bú- og heimatænastuna hava at vita, um kommunustýrini framvegis vilja keypa.

Bú- og heimatænastan er samstarvið millum kommunurnar um eldraøkið. 

Samtykt at leiga

Hóast býráðið á Tvøroyri samtykti 10.september í fjør at leiga húsini við Sílá til sambýli, er leigusáttmálin ikki undirskrivaður enn.

Kristin Michelsen, borgarstjóri, sigur, at bíðað verður eftir góðkenning frá ymsum myndugleikum til at leiga sambýlið.

Sambýli var við Sílá, men tað fór illa í illveðrinum í 2011.

Tvøroyrar kommuna vildi ikki sjálv umvæla húsini, men seldi tey. 

Nýggju eigararnir bygdu síðani húsini uppaftur, millum annað so tey eru egnað sum eldrasambýli.

  
 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214