Fosturforeldur eru løntakarar sambært lóg

Fosturforeldur hava rætt til frítíð við løn. 

Tað hevur Samferðslumálaráðið avgjørt.

Orsøkin til avgerðina er, at Fosturforeldrafelagið heitti á Samferðslumálaráðið um at greina, um fosturforeldur koma undir frítíðarlógini.

Niðurstøðan er, at fosturforeldur koma undir frítíðarlógina.

Fosturforeldur eru at meta sum løntakarar, tá talan er um frítíðarlógina, og tí hava tey rætt til frítíð við løn. 

Samferðslumálaráðið hevur tó ikki tikið støðu til, um fosturforeldur eru løntakarar sambært aðrari lóggávu enn lógini um frítíð við løn.