Byggisamtykt samtykt

Hoyringin varar í seks vikur. Koma viðmerkingar ella mótmæli um uppskotið, verða tey í mai send Heilsu- og innlendismálaráðnum, har sum Býarskipanarnevnd landsins er. 

Tórshavnar kommuna samtykti einmælt uppskotið um byggisamtykt í gjárkvøldið.

Sethús og summarhús

Uppskotið um byggisamtykt skipar bygdina í Hesti í seks øki, sum eita bústaðarøki, havnarøki, almennir stovnar og mentan, neyst og bátapláss, frítíðarhús og summarhús og landbúnaður og alment frílendi. 

Nýggja bústaðarøkið er norðan fyri bygdina, millum verandi sethús og kirkjugarðin. 

Beint sunnan fyri bygdina er eitt grundøki, sum er 3.300 fermetrar. Tað eigur Tórshavnar kommuna. Har verða summarhúsini. Tey stykkini verða 250 fermetrar.