Fara at viðgera nýggja útbúgving í dag

Løgtingið fer í dag at hava triðju viðgerð av uppskotinum um at seta á stovn eina námshjálparfólkaútbúgving. Útbúgvingin skal vera í Heilsuskúlanum í Hovi.

Við hesi útbúgving fáa ófaklærd hjálparfólk og onnur møguleika at førleikamenna seg og taka eina útbúgving innan námsfrøðiliga fakøkið, verður sagt í viðmerkingum til uppskotið.

Uppskotið var til aðru viðgerð 4. apríl og varð tá samtykt við 28 atkvøðum fyri og ongari ímóti. Sostatt er triðja og seinasta viðgerð av uppskotinum í dag.