Afturlatna uppboðssølan gav 21,7 milliónir krónur

Landskassin fekk slakar 22 milliónir krónur, tá reiðaríini keyptu rættin at fiska íalt góð 3000 tons av botnfiski í Barentshavinum og við Svalbard á afturlatnari uppboðssølu hjá Vørn í gjár.

Keypararnir vóru somu tríggir aktørar, sum hava fiskað har í nógv ár frammanundan.

Teir eru Partafelagið Enniberg, Partafelagið Akraberg og Partafelagið J. F. K. Trol.

Uppboðssølan varð býtt upp í fleiri partar og fleiri rættindi. 

Hægsta kiloprís fekk Vørn fyri at selja rættin at fiska botnfisk norskum øki av Barentshavinum í eitt ár. J. F. K Trol keypti tey rættindini fyri 8 krónur og 37 oyru.

Lægsti prísur var seks krónur fyri kilo. Tað var prísurin, sum reiðaríini vóru sinnað at rinda rætturin at fiska botnfisk í Barentshavinum í ávíkavist trý ár og átta ár.