- Tíðindi, mentan og ítróttur
Fekk skaða á veg til Danmarkar at heiðra Merkið
![](https://kvf.fo/sites/default/files/styles/grein-ovasta-mynd/public/screen_shot_2017-05-21_at_19.47.32.png?itok=GOnoRz7a)
Onnur tyrlan hjá Atlantic Airways var seinnapartin eftir einum skaddum manni, sum var við sluppunganum Brimnesi á veg til Danmarkar at hátíðarhalda 100 ára dagin hjá Merkinum.
Óhappið hendi í nátt, tá ein eldri maður varð áhaldsin og datt.
Hann fekk skaða í høvdið.
Maðurin varð fluttur um borð á Brimil, sum fylgdi seglbátunum suðureftir.
Av Brimli vórðu so, eftir sámráð við lækna, send boð eftir tyrlu, upplýsir MRCC, Sjóbjargingarstøðin.
Gjørdi skjótt av
Tyrlan var á veg á flogvøllin eftir ein sjúkraflutning úr Froðba, so hon tók brennievni har og fór so suður til Brimil.
Bara ein tíma gekk, frá tí at boðini komu frá Brimli, til skaddi maðurin var á Landssjúkrahúsinum.
Brimnes vendi við, og Brimil fylgir honum nú til lands.
Norðlýsið vendi eisini við aftur til Havnar í nátt fyri at umvæla ein leka. Men Norðlýsið fer tó av stað aftur, skilst.
Seglbátafylgið, sum er á veg til Danmarkar, hevur ikki góðan byr, tí hann er eystan í ættini.