Fígging til royndarætlan við sjóvarfalsorku

Royndarverkætlanin við sjóvarfalsorku í Føroyum, sum SEV og svenska fyritøkan Minesto samstarva um, hevur fingið játtaðar 2,5 milliónir evrur í stuðli úr Horizon 2020 grunninum hjá ES.

Tað skrivar SEV á heimasíðuni.

Tær 2,5 milliónir evrurnar frá ES verða latnar til arbeiðið at seta tveir Deep Green drekar út í Vestmannasund fyri síðan at heysta orkuna, sum drekarnir framleiða úr sjóvarfallinum. 

Hetta er royndarverkætlan, sum SEV og Minesto formliga hava samstarvað um síðan november í 2018.