Sníktu seg út gjøgnum bakdyrnar

Hóast samráðingarnar vardu í fýra tímar, so eydnaðist tað ikki Sambandsflokkinum, Fólkaflokkinum og Miðflokkinum at koma til sættis um at skipa samgongu í nátt.

Formenninir í flokkunum vóru sera fámæltir. Tað eydnaðist útvarpinum at fáa heilt stutt orð á Bárð á Steig Nielsen, áðrenn hann fór heim, meðan Jørgen Niclasen og Jenis av Rana ongantíð komu út aftur.

Sambært fleiri øðrum tinglimum, so fóru teir tríggir formenninir út gjøgnum bakdyrnar í løgtinginum.