Andstøðan meirilutan í Vinnunevndini

Samgonguni nýtist ikki at stúra, hóast hon hvørki hevur meiriluta ella formann í Vinnunevndini, sum er tann mest týðandi í løgtinginum næst eftir Fíggjarnevndina.

Tað sigur Bjørt Samuelsen í Tjóðveldi, sum heldur fram sum forkvinna.

Millum annað broytingar í fiskivinnulóggávuni fara í Vinnunevndina, men tær verða ikki súltaðar har, sigur Bjørt Samuelsen:

Bjørt Samuelsen verður forkvinna í Vinnunevndini í tvey ár. Síðani tekur Javnaðarflokkurin við.

Javnaðarflokkurin hevur tveir limir í Vinnunevndini, teir eru Bjarni Hammer og Henrik Old.

Andstøðan hevur eisini meirilutan í Mentanarnevndini. Har hava Tjóðveldi og Javnaðarflokkurin eisini gjørt avtalu um at býta formanssessin millum sín í valskeiðinum.

Djóni Nolsøe Joensen í Javnaðarflokkinum verður fyrri formaðurin har. Beinta Løwe í Tjóðveldi tekur við um tey ár.