Leivdir frá fletting tveittar í náttúruna

Leivdir frá fletting vórðu fyrr í vikuni funnar í náttúruni nakað eystan fyri bygdina í Froðba.

Fólk í Suðuroynni varnaðust týsdagin, at leivdir frá fletting lógu í Ásdali, sum fyrr varð brúkt sum ruskpláss.

– Tað var ikki óvanligt, at fólk tveittu leivdir í náttúruni fyrr, men hetta er minkað tey seinnu árini, sigur umsjónarmaðurin hjá Tvøroyar kommunu.

Umsjónarmaðurin metir, at talan er um leivdir frá einum fimm-seks seyðum. Málið er ikki meldað til løgregluna.