Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa Peppa, Mouk og Uki.
"Snipp snapp" er hvørt mikukvøld, hóskvøld og um vikuskiftið.

Í Føroyum íðka 2.200 fólk hondbólt, og alsamt fleiri spælarar fara uttanlands at royna hondbóltseydnuna.

Tveir teirra eru tann 19 ára gamla, Rakul Wardum, og tann 16 ára gamli, Óli Mittún.

Rakul fór longu sum 16 ára gomul niður á Skanderborg Elite Håndboldakademi og spælir nú við Ajax í Keypmannahavn, og Óli Mittún skrivaði í mars í ár undir sáttmála við svenska meistaraliðið, Sävehoff.

Í sendingini greiða tey frá sínum dreymum um framtíðina og umrøða eisini tann longsul, sum kann gera um seg, tá ungfólk flyta burtur.

Uni Arge leggur til rættis og Mathias Dimon Næs setti saman.

Margretha drotning og systrarnar Benedikte prinsessa og Anne Marie drotning taka ímóti veitsluklæddu gestunum, á skránni er sangur, dansur og tónleikur. Heiðurslegat drotning Ingridar skal latast, og Natasja Crone hevur saman við øðrum skil á gestunum.
Sesong: 2022. 1. partur
Framl. ár 2022.

Vit støkka inn á gólvið á kongligu slottunum, har Margretha drotning, Benedikte prinsessa og Anne Marie drotning siga frá barnaárunum á Amalienborg, umframt undirhald við sangi dansi og tónleiki. Sofie Gråbøl hevur stýr á bæði hyggjarum og gestum hjá drotningini.
Sesong: 2022. 2. partur
Framl.ár 2022.

Menn og kvinnur útbúgva seg eins nógv. Men ovast í vinnulívinum sita menn í 80% av teimum tungu sessunum. Hvat er orsøkin til skeivleikan, og hvørjar avbjóðingar eru á leiðini hjá kvinnum upp á tindin? Hetta eru nakrir av spurningunum, sum vinnulívskvinnurnar Stine Bosse, Lisbeth Knudsen og Nana Bule skulu royna at svara.

Hann ger sær ómak at dylja, hvør hann er, men øll talgild brotsverk lata spor eftir seg. Og ein dagin fær ein av kvinnunum ein mail frá løgregluni um, at ein maður er tikin í caster-málinum. Men hvør er hann? Og hví gjørdi hann tað? Tað eydnast redaktiónini at koma í samband við mannin, og hann hevur eina heilt serliga frágreiðing um, hví hann hevur lumpað tær mongur kvinnurnar hesi árini.

Seinna sending av tveimum við tónleiki, práti og dansi. Húsaorkestrið spælir saman við ymiskum solistum.

Vertur er Rasmus Magnussen.

Vit fara aftur til 1985 og til sendirøðina Á Sýnini, sum tók ymisk aktuell evnir upp. Á Sýnini varð send tey fyrstu árini, eftir at SvF varð sett á stovn í 1984. Í hesi sendingini eru vit m.a. við Kirkjubømonnum í Trøllhøvda og til eina bjargingarroynd við Tjaldrinum. John Sigurd Johannesen er vertur í sendingini, og eg kann leggja afturat, at hesar sendingarnar tá vórðu sendar leygarkvøld.

Fljóðljóð er kvinnukór, við 16 royndum sangarum, stovnað á heystið 2016.
Kórið syngur ymisk sløg av tónleiki, bæði klassiskt, sálmasang og aðrar norðurlendskar kórsatsir, umframt nýggjari lættan tónleik.

Kórleiðari er Súsanna Joensen.

Sent verður beinleiðis frá prestavígslu í Havnar kirkju.

Tobias Hamann-Pedersen fer til Hundested, har Jorun Magnussen hevur gjørt heimið hjá sær um til gentur, sum hava verið fyri vansorgan. Jórun hevur vígt sítt sív til at hjálpa, og tað skal hon hava herðaklapp fyri. Saman við tveimum av teimum ungu, sum búgva har, kemur Tobias til Jórun við eini øðrvísi kaku.

Kom við út í Stóru Karlsoyggj, ein sonn perla í Eystrasalti. Tann vakra oyggin liggur við vesturstrond Gotlands.
Norðvisión úr Finnlandi.

Drotning og listakvinna.
Í sendingini sigur Drotning Margretha II frá hvussu lívið sum drotning og listakvinna hava ávirkað lívið og hvussu mamma hennara, tann svenska krúnprinsessan Margreta, hugkveikti hana við síni list.

Fyrst í fimtiárunum fer Heinesen-handilin í Vágsbotni av knóranum. William má nú bjarga sær sum frægast. Myndlistin var honum nú hent, tí væl lá fyri at selja málningar og pastellmyndir. Men bøkur hansara verða nú lisnar í so nógvum londum, at hann kann liva av inntøkunum, ið hann hevur sum rithøvundur. Hann fer at skriva stuttsøgur, og tær verða ikki minni fagnaðar enn skaldsøgurnar. William er eftir fáum árum vorðin víðagitin rithøvundur, og í ummælum verður hann róstur til skýggja og mettur saman við fremstu rithøvundar úti í heimi. William eftirlíkar at skriva leikrit til film, sum danski leikstjórin, Erik Balling, fer undir, men tann royndin eydnast minni væl. Samstundis hevur hann í gerð stóra skaldsøgu, "Det gode håb", sum hann í 1965 verður heiðraður fyri við bókmentavirðisløn norðurlandaráðsins. Hann verður limur av Danska Akademinum, og varpar skærar og kátar litir á fundirnar hjá hesari háttvirdu samkomu. Tveir av guddómligu máttunum, ið hann sum ungur og glataður spælimaður váttaði sín alsk til - Bacchus og Eros - eru honum framvegis livandi og lívsjáttandi máttir. Gratiurnar - musurnar - trøllagenturnar - hava øll árini veitt honum listarligan íblástur. Og nú hann er farin um tey sjeyti, stígur hin veruliga Afrodite undan kavi.

Lagt til rættis: Suni Merkistein.

16 ára gamla Maria hvørvur eina náttina í 2012 í lítlu bygdini Hvannasundi í Føroyum. Hálvtannað døgn seinni verður líkið funnið í sjónum. Løgreglan kemur til ta niðurstøðu, at talan er um sjálvmorð. Í kamarinum hjá Mariu finna tey dagbókina hjá henni, og har verður eitt forelskilsi avdúkað. Jógvan, fyrrverandi unnusti hennara er týðiliga merktur av, at Maria er deyð, og spurningurin er, um Jógvan ber eitt tungt loyndarmál um ta náttina, tá Maria hvarv.
Sesong: 2021
Partur: 1.
Framl. ár: 2021
Framl.: TV 2 DK

Tann pensjoneraði hjartalæknin Harry (James Caan) avger at flyta úr New York til Ísraels, har hann fær sær svínafarm. Flytingin kemur sum ein skelkur á alla familjuna, og í Ísrael kemur hann - Harry - skeivt inn á lokalu muslimarnar og jødarnar. Í New York roynir fyrrverandi konan Monica (Rosanna Arquette) at vera um tey vaksnu børnini, Annabelle (Efrat Dor) og David (Jonathan Rhys Meyers). Men støðan versnar, tá hon fær ein heilasvull.
Leikarar: David: Jonathan Rhys Meyers, Monica: Rosanna Arquette og Harry: James Caan. Við eru eisini: Moshe: Tom Hollander. Annabelle: Efrat Dor. Michel: Patrick Bruel. Rivka: Reem Kherici. Handrit og leikstj.: Amanda Sthers.
Framl. ár: 2017
Aldursmark: 11

Bókaferðin koyrir til Herøya og fantasyrithøvund Siri Pettersen. Pia Rivelsrud og Bókabilurin steðga á bókligum støðum í Noregi, og her tosa tey um, hvussu heimstaðurin hevur givið rithøvundinum íblástur í teksti um kærleika, horvnar dreymar, barndóm, hatur og eydnu. Útgangsstøði verður tikið í tí lokala at siga nakað um tað algilda í Herøya ella aðrastaðni.