Kunna teg um starvsmøguleikar

Aftur í ár verður Norðurlandahúsið karmur um árligu starvsstevnuna, Jobmatch, har lesandi í Føroyum og uttanlands kunnu kunna seg um síni uppgávuevni og um teir starvsmøguleikar, sum eru í Føroyum.

Metstórur áhugi

Í ár hevur áhugin fyri Jobmatch verið metstórur, og stevnan er tí fullteknað við 40 fyritøkum og stovnum, sum hava hug at koma á tal við føroyingar, - bæði herbúgvandi og útisetar- sum sóknast eftir nýggjum avbjóðingum.

Les eisini:  Jobmatch - "Ung eru bestu íverksetarar"

Stóri áhugin kemur allarhelst av, at arbeiðisloysið í Føroyum er sera lágt. Royndir uttanlands vísa nevniliga, at í slíkum tíðum hava starvsfólk hug og dirvi til at kunna seg um nýggjar starvsmøguleikar. 

Les eisini: "Jamen so flyta vit bara av landinum"

Starvsstevnan verður týsdagin 29. desember frá kl. 13.00-19.00 í Norðurlandahúsinum. Tað er ókeypis at luttaka – og á heimasíðuni jobmatch.fo ber til at kunna seg um fyritøkur og stovnar. Somuleiðis ber til at bíleggja sær eitt JobPrát á heimasíðuni.