Í lítlu hugnaligu bygdini, Nólsoy, er ikki nógvur friður í løtuni. Menninir eru farnir á fjall, tí nú skal slaktið gerast.
Menn úr Junkarshaga, sum er miðjan á Nólsoynni, fóru út tíðliga ein týsmorgun at reka seyðin heim. Eftir at teir aftan á eina 12 tímars gongu høvdu fingið seyðin heim, varð slaktið gjørt dagin eftir.
Tað er nakað heilt serstakt, at vit reka seyðin heim og gera so nógvan mat burtur úr honum. Føroyska mentanin er vøkur, tað kunnu vit øll vera samd um.