Vágskálin

Vágskálin: Nemandi ævisøga um tann føroyska Elvis
27-03-2024
Ævisøgan um Robert McBirnie eftir Hilmar Jan Hansen verður vigað á vágskálini

Robert McBirnie varð føddur 1. november í 1943 í Sørvági. Mamman var føroyingur og pápin enski hermaðurin, Robert Douglas McBirnie.
Eitt hálvt ár seinni fór pápin úr Føroyum og kom ongantíð aftur, og mamman og Robert fluttu til Vágs. Hon giftist Edmundi Petersen, ið gjørdist fosturpápi Robert.
Robert McBirnie sigur í ævisøguni, at hóast hann var krígsbarn, hevur hann onga søgu um happing og mismun at siga. Hann hevur havt eitt gott og langt lív.
Ein stóran part av lívinum hevur hann staðið á palli. Hann var við til at stovna Red Boys í 1959 og fór upp í Faroe Boys í 1963. Frá 1969 gjørdist hann eisini gitin undirhaldari.
Hann gjørdi manga undirhalds- og barnasending í útvarpinum, men mestu tíðina brúkti hann í skúlastovum, tí hann varð útbúgvin lærari.
Stóð tað til Robert sjálvan, gjørdist hann sjómaður, tí sjógvurin dró mest á ungum árum, men mamman vildi tað øðrvísi.
Uni Leitisstein Hansen og Ólavur Jakobsen ummæla bókina. Hon er sera væl skrivað, halda teir, og leggur nógv nýtt aftrat um lívið hjá Roberti McBirnie.
Nemandi er ikki minst søgan um, hvussu hann fór at leita eftir pápa sínum í 1977 og fann fleiri hálvsystkin.
Uni Arge leggur til rættis.

Vágskálin

Vágskálin er sending við mentanarligum ummælum. Tveir ummælarar eru við hvørja ferð, og í flestu førum verða bøkur vigaðar á vágskálini. Ummælini verða gjørd sum samrøður í útvarpsstovuni, og brot verða spæld úr tí, sum ummælt verður. Á vágskálina kunnu eisini verða lagdir sjónleikir, framsýningar og framførslur. Serlig rák í tíðini verða viðhvørt vigað og viðgjørd. Uni Arge leggur til rættis.
Sjónleikurin "Løstir" varð frumsýndur í Norðurlandahúsinum fríggjadagin, og vit hyggja nærri at honum
29-05-2024
Yrkingasøvnini "Eg hvessi mær knívin, eg komi heim" eftir Nansý Sunadóttir" og "Vit skulu upp og avstað" eftir Heðin M. Klein eru til viðgerðar.
22-05-2024
Bókin "Rasmus á Háskúlanum" hjá Guðruni Gaard verður løgd á vágskálina hesaferð
15-05-2024
Á fyrsta sinni verða røður ummæltar í sendingini, og talan er um tríggjar flaggrøður og eina 1. mai dags røðu
08-05-2024
Fyrst í apríl settu almennu Føroyar sjøtul á stórt mentanarligt framtak í New York
01-05-2024
Á vágskálini hesaferð er stuttsøgusavnið "Upp eftir enda" hjá Oddfríði Marna Rasmussen
17-04-2024
Á vágskálina hesaferð leggja vit til skaldsøguna "Summarið varar ikki alt árið longur" hjá Katrini Ottarsdóttir
10-04-2024
Vágskálin hesaferð snýr seg um móðurmálið, V. U. Hammershaimb og stavseting
03-04-2024
Ævisøgan um Robert McBirnie eftir Hilmar Jan Hansen verður vigað á vágskálini
27-03-2024
Frásagnarmedisin snýr seg um, at heilsustarvsfólk við at læra at greina bókmentir betur kunnu skilja sjúklingarnar.
20-03-2024
Skaldsøgan "Rangstøða" hjá Daniali Viðoy verður viðgjørd í sendingini
13-03-2024
Bárður Jákupsson og Tróndur Patursson eru gestir í sendingini hesaferð
06-03-2024