Við Tórði á túri

Við Tórði á túri í Løgtinginum
12-12-2022
Endursending frá februar 2021. Í dag hitta vit tinglimir og onnur starvsfólk, ið eru til arbeiðis í okkara lóggevandi valdi, sum sigst vera elsta ting í heiminum

Løgtingsformaðurin og stjórin í Løgtinginum greiða frá uppgávuni hjá okkara lóggevandi tingi, og í sendingini er eisini samrøða við ymisk løgtingsfólk og onnur starvsfólk í Tinginum.

Í sendingini eru tingfólk á einum máli um, at Løgtingið er eitt gott arbeiðspláss. Fleiri nevna, at tónin í Tinginum mangan kann virka harður, serliga millum samgongu og andstøðu. Men veruleikin er, at uttanfyri sjálvan tingsalin tosa tingfólk væl saman. M.a. inni í kantinuni, sum er hjartað á Tinghúsvegi nummar 1.

Tað, sum fer fram í løgtingssalinum, er í veruleikanum bara ein partur av virkseminum hjá Løgtinginum, tí nevndarfundir og aðrir fundir og annað virksemi taka eisini nógva tíð hjá tinglimum.

Annars eru tey, sum vit hitta í hesari sendig úr Løgtinginum, hesi: Eyðgunn Samuelsen, tingkvinna, Jógvan á Lakjuni, løgtingstingformaður, Maria Bjørk, sum arbeiðir í kantinuni, Frimodt Rasmussen, tingmaður, Bill Justinussen, tingmaður, Hervør Pálsdóttir, tingkvinna, Erhard Joensen, tingmaður, Jonhard Klettheyggj, stjóri í Løgtinginum, Ruth Vang, tingkvinna, Heðin Zachariasen, tingmaður, Beinta Isaksen, tingskrivari, Henrik Old, tingmaður, Steffan Klein Poulsen, tingmaður og Sirið Stenberg, tingkvinna.

Sendingin varð send fyri fyrstu ferð tann 15. februar 2021.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Við Tórði á túri á Víkum
Í dagsins sending vitja vit á Víkum - avbyrgdu og nú eisini avtoftaðu bygdina í Vágum. Hon varð fyrru ferð send 28. september í 2015
19-12-2022
Við Tórði á túri í Løgtinginum
Endursending frá februar 2021. Í dag hitta vit tinglimir og onnur starvsfólk, ið eru til arbeiðis í okkara lóggevandi valdi, sum sigst vera elsta ting í heiminum
12-12-2022
Við Tórði á túri í rossabygdini í Havnardali
Bæði tíðliga og seint er nógv lív í úti í Havnardali, har fólk í tveimum felagsskapum hava tilsamans omanfyri 200 ross, ið skulu røktast og venjast. Ikki minst leygarmorgun
05-12-2022
Við Tórði á túri um seyðahaldið í Tasiluk í Suðurgrønlandi
Viðingurin Magnus Fuglø gjørdi dreymin til veruleika og bleiv seyðabóndi í Suðurgrønlandi og bleiv ein av teimum størstu. Sonurin Jacob Fuglø og onnur greiða frá
28-11-2022
Við Tórði á túri í Hornabø í Havn
Býlingurin í Hornabø er ein tætt vaksin býlingur omanfyri vestara havnarlag í Havn. Býlingurin hevur fingið navn eftir bóndagarðinum, Hornagarði
21-11-2022
Við Tórði á túri í Verkhúsinum Stíggi í Saltangará
Í Verkhúsinum Stíggi á Høgabóli er fjølbroytt virksemi, serliga tá tey gera lutir til stóru jólasøluna síðst í november. Tey sum vit hitta í sendingini eru glað fyri arbeiðið
14-11-2022
Við Tórði á túri í tunlunum Norður um Fjall
Bygdirnar norðanfyri fjall fara at vaksa, tí byggilendið í Klaksvík er so avmarkað, sigur árnfirðingur. Í dag vitja vit í nýggju tunlunum, ið nú fara at bresta fyri nev
07-11-2022
Við Tórði á túri á Bornholm (2:2)
Føroyingar trívast væl á Bornholm, hóast nógv fleiri føroyingar hava búð her, serliga tá nógvur fiskiskapur var í Eystursjónum
24-10-2022
Við Tórði á túri á Bornholm (1:2)
Bornholm verður ofta rópt klettaoyggin ella sólskinsoyggin, tí veðurlagið er gott. Og føroyingarnir, sum vit hitta, trívast eisini væl her. Stórur munur er á sumri og vetri
17-10-2022
Við Tórði á kvinnutúri í Ísrael (2:2)
Í seinna parti vitja vit í Hebron, har patriarkarnir og matriarkarnir liggja grivin, á Betlehems fløtum og á Masada, har ein ógvislig hending fór fram fyri 2000 árum síðani
10-10-2022
Við Tórði á kvinnutúri í Ísrael (1:2)
Tórður Mikkelsen hevur hesaferð verið spennandi ferð í Ísrael saman við einum kvinnuligum lesiringi, ið hevur lisið bøkur um fimm kvinnur í Bíbliuni. Menn sluppu eisini við
03-10-2022
Við Tórði á túri at reka í Lítlu Dímun
At sleppa við hvalbingum og sandvíkingum út í Lítlu Dímun at reka á heystardegi er ein spennandi og øðrvísi uppliving. Leygardagin var árligi rakstrardagurin í Lítlu Dímun
26-09-2022