Við Tórði á túri

Við Tórði á túri á Karlamagnusarbreyt 34 í Hoyvík
07-06-2021
Tey ungu við menningartarni, ið búgva í Búfelagsskapinum Karlamagnusarbreyt 34 í Hoyvík, eru fegin um at hava fingið sína egnu íbúð og at hava eitt arbeiði at møta upp til

Elis Mikkelsen, Maiken Olsen, Sharada Ýr Unadóttir og Dánjal Gram Høgnesen eru fegin at vísa okkum runt í íbúðini, og vit hitta eisini trý av teimum arbeiðsplássinum. Elis vaskar bilar og annað á Sjúkraflutningstænastuni, Maiken arbeiðir í køkinum í Kringvarpinum, Sharada hjálpir til at rudda og vaska á Glasir og Dánjal er í køkinum á Verkstaðnum Vón. Tey fýra eru á einum máli um, at tað er gott og gagnligt at hava egna íbúð.

 

Vit hitta eisini Marjuna Niklasdóttir og Tummas Wilhelm, tá tey um kvøldið samlast við hinum í felagshølinum at hyggja eftir Eurovision og at spæla spøl.

 

Diana Solberg Mouritsen, sum er leiðari fyri Búfelagsskapin Karlamagnusarbreyt 34, sigur, at tað riggar væl at hesi ungu fólkini hava sítt egna. Tey kunnu kortini altíð venda sær til starvsfólk tá tey hava brúk er fyri hjálp ella vegleiðing.

 

Í sendingini greiðir Doris Hansen frá, hvussu stór broytingin hevur verið hesi hálvthundrað árini síðani Javni varð sett á stovn. Doris gav út bókina "Søgan um hini", sum m.a. greiðir frá tá menningartarnaðir føroyingar vórðu sendir til Danmarkar. Og Borný Jóhansdóttir, sum er mamma Sharadu, greiðir frá hvussu glað hon er fyri framgongdina hjá dóttrini og at hon nú hevur fingið egna íbúð.

 

Hini, sum vit hoyra málið á í sendingini, eru: Gunnnar Hjelm, Jón Svein Heinesen, Ragnar A. Jacobsen og Elin Dagbjartsdóttir

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Við Tórði á túri á Víkum
Í dagsins sending vitja vit á Víkum - avbyrgdu og nú eisini avtoftaðu bygdina í Vágum. Hon varð fyrru ferð send 28. september í 2015
19-12-2022
Við Tórði á túri í Løgtinginum
Endursending frá februar 2021. Í dag hitta vit tinglimir og onnur starvsfólk, ið eru til arbeiðis í okkara lóggevandi valdi, sum sigst vera elsta ting í heiminum
12-12-2022
Við Tórði á túri í rossabygdini í Havnardali
Bæði tíðliga og seint er nógv lív í úti í Havnardali, har fólk í tveimum felagsskapum hava tilsamans omanfyri 200 ross, ið skulu røktast og venjast. Ikki minst leygarmorgun
05-12-2022
Við Tórði á túri um seyðahaldið í Tasiluk í Suðurgrønlandi
Viðingurin Magnus Fuglø gjørdi dreymin til veruleika og bleiv seyðabóndi í Suðurgrønlandi og bleiv ein av teimum størstu. Sonurin Jacob Fuglø og onnur greiða frá
28-11-2022
Við Tórði á túri í Hornabø í Havn
Býlingurin í Hornabø er ein tætt vaksin býlingur omanfyri vestara havnarlag í Havn. Býlingurin hevur fingið navn eftir bóndagarðinum, Hornagarði
21-11-2022
Við Tórði á túri í Verkhúsinum Stíggi í Saltangará
Í Verkhúsinum Stíggi á Høgabóli er fjølbroytt virksemi, serliga tá tey gera lutir til stóru jólasøluna síðst í november. Tey sum vit hitta í sendingini eru glað fyri arbeiðið
14-11-2022
Við Tórði á túri í tunlunum Norður um Fjall
Bygdirnar norðanfyri fjall fara at vaksa, tí byggilendið í Klaksvík er so avmarkað, sigur árnfirðingur. Í dag vitja vit í nýggju tunlunum, ið nú fara at bresta fyri nev
07-11-2022
Við Tórði á túri á Bornholm (2:2)
Føroyingar trívast væl á Bornholm, hóast nógv fleiri føroyingar hava búð her, serliga tá nógvur fiskiskapur var í Eystursjónum
24-10-2022
Við Tórði á túri á Bornholm (1:2)
Bornholm verður ofta rópt klettaoyggin ella sólskinsoyggin, tí veðurlagið er gott. Og føroyingarnir, sum vit hitta, trívast eisini væl her. Stórur munur er á sumri og vetri
17-10-2022
Við Tórði á kvinnutúri í Ísrael (2:2)
Í seinna parti vitja vit í Hebron, har patriarkarnir og matriarkarnir liggja grivin, á Betlehems fløtum og á Masada, har ein ógvislig hending fór fram fyri 2000 árum síðani
10-10-2022
Við Tórði á kvinnutúri í Ísrael (1:2)
Tórður Mikkelsen hevur hesaferð verið spennandi ferð í Ísrael saman við einum kvinnuligum lesiringi, ið hevur lisið bøkur um fimm kvinnur í Bíbliuni. Menn sluppu eisini við
03-10-2022
Við Tórði á túri at reka í Lítlu Dímun
At sleppa við hvalbingum og sandvíkingum út í Lítlu Dímun at reka á heystardegi er ein spennandi og øðrvísi uppliving. Leygardagin var árligi rakstrardagurin í Lítlu Dímun
26-09-2022