HULDA á konsertferð

Nýggja føroyska songkvinnan HULDA er í løtuni á konsertferð, har hon vitjar Danmark og Sveits.

Tað er Nordisk, sum skipar fyri konsertferðini.

Les meir um Nordisk her. 

Saman við HULDA luttaka bólkarnir Blaue Blume og New World Vulture, og á nøkrum konsertum avloysir Ida Wenøe Blaue Blume.

Hetta er ikki fyrstu ferð, at føroyingar luttaka á konsertferðini, sum Nordisk skipar fyri. Í 2013 var bólkurin Frostfelt við, og í 2014 var Byrta við.

Hoyr lagið ”Sail On” her.

Handan navnið HULDA goymir songkvinnan Rannvá Helenúdóttir seg, og við sær á ferðini hevur hon Sakaris Emil Joensen.

HULDA hevur higartil givið fýra stakløg út. 20. februar kemur plátan hjá HULDA, HULDAsound, út digitalt, og í mars kemur hon út sum fløga.