Í dag er móðurmálsdagur

Í samband við móðurmálsdagin í dag verða fleiri tiltøk í Havn allan dagin.

Landsbókasavnið kl. 10.00, Talgilding av mikrofilmunum av føroysku bløðunum

Á Landsbókasavninum kl. 10.00 verður verkætlanin Talgilding av mikrofilmunum av føroysku bløðunum alment tikin í nýtslu.

Eisini fara m.a. verkætlanarleiðarin, Erling Kjærbo, og rithøvundurin, Hanus Kamban, at greiða frá ávikavist gongdini við verkætlanini og at brúka bløðini sum keldu.

Norðurlandahúsið kl. 13-16, Føroyskt og talgildi heimurin

Klokkan 13.00 verða nakrir fyrilestrar undir heitinum »Føroyskt og talgildi heimurin« í Norðurlandahúsinum. Har verður eitt nú tosað um talgildar orðabøkur, um føroyska teldutalu og um føroyska teknmálsorðabók. Umframt fjølbroyttu skránna, er tónleikur eisini á skránni.

Nýggjustova kl. 19, Móðurmálsheiðurslønin 2015

Móðurmálsdagurin heldur fram kl. 19 í barnaheimi V.U. Hammershaimbs í Nýggjustovu, í Gongini 8.

Móðurmálsheiðurslønin 2015 verður handað.

Sí alla skránna her.

Les eisini: Móðurmálið - kennir tú søguna?