Besta pitsan í Havnini funnin!
Ætlanin er at finna bestu pitsuna í Føroyum, og byrjað var í Havnini. Røddin kann nú avdúka úrslitini. Møguliga eitt nýtt steðgistað næsta sunnumorgun?
26.04.2016 - 20:15

Hevur tú nakrantíð ivast í, hvat besta steðgistaðið heim úr býnum sunnumorgun er, so er svarið møguliga her!

 

Teir seks, Rógvi Ziskason, Bogi Larsen, Hjarnar Mouritsen, Flóvin Hofgaard, Bóas Marjunarson og Dánjal Dávidssson, hava fyri stuttum avgjørt at finna ta bestu pitsuna í Føroyum. Byrjað var um vikuskiftið í Havnini.

 

Dømingin bygd á fýra eginleikar

 

Pitsastøðini, teir keyptu frá, vistu ikki, at pitsurnar skuldu nýtast til pitsasmakkingina, og margarita við oregano vóru keyptar frá øllum pitsastøðunum fyri at tryggja rættvísa kapping. Eisini vóru allar pitsurnar bílagdar langa tíð frammanundan, soleiðis at kokkurin hevði góðar stundir.

 

Dømingin fór fram soleiðis, at úrslitið var ein heildarmeting av fýra bólkum:

  • Osturin
  • Tomatsósin
  • Deiggið
  • Konsistensurin (hvussu pitsan kendist í munninum)

 

Teir seks møttu svangir upp til smakkingina og smakkaðu allar pitsurnar áðrenn ta "ofisiellu" smakkingina. Soleiðis fekk tann fyrsta pitsan ikki nakran fyrimun.
 

 

 

 

Titanarnir vunnu ikki

Við góðari tænastu, har allar pitsurnar vóru til tíðina, gjørdust úrslitini hesi:

 

1. Café Sandwich - 22 stig

2. Take Away - 18.5 stig

3. Hvonn - 14.5 stig

4. Pizza 67 - 13 stig

5. Pizza King - 11.5 stig

6. Sentrum - 11 stig

7. Number 1 Pizza Grill - 9 stig

 

Um vinnarapitsuna frá Café Sandwich, sigur Rógvi:

- Hon hevði rætta mongd av øllum á. Luftigt og krisput deiggj. Tomatsósin lekkir, men ikki ov dominerandi. Alt í alt ein næstan perfekt combo.

 

Stóri taparin hetta kvøldið gjørdist Number One, heili 13 stig aftanfyri Café Sandwich.

 

- Pitsan var simpulten ikki góð. Osturin var turrur, og tomatsósin smakkaði av puré. Ein ódámligur smakkur og konsistensur í munninum. Hon hevði fingið ov nógv í ovninum, umframt at deiggið var flatt og keðiligt, eru hørðu orðini frá Rógva.

 

Jagstranin heldur fram

Um tvær vikur gongur leiðin við kampingvogni til Vágarnar, Klaksvíkar og alt harímillum. Man besta pitsan í Føroyum longu vera funnin? 

Røddin letur sjálvsagt frætta um úrslitini av næstu smakkingini.

 
 

 

 

- Glasir er ein fyrireiking til lívið Í síðstu viku kom ein grein út á Røddina um eina gentu við ADHD og um, hvussu tað var hjá henni at ganga á Glasi. Røddin hevur hitt Boga Bech Jensen...
Er Glasir ein diagnosu vinarligur skúli? Tað er glas allastaðni, og man sær inn í næstan allar krókarnar í skúlanum, líkamikið hvar man er. Men er Glasir ein diagnosu vinarligur skúli? 
Lost Frequencies á Voxbotn 2019 Belgiski dj’urin er júst kunngjørdur, sum fyrsta navnið á Voxbotn 2019
Fimm føroyskir makeup-instagrammarar tú burdi fylgt Tørvar tær íblástur til tað næsta look’ið, og skal tað vera meira “extra” enn eitt smokey eye?  Röddin hevur funnið 5 føroyskar instagrammarar,...
- Trúgvi ongantíð, at eg fari at steðga við at gera tónleik - Hetta lýsir bara tað at blíva vaksin og at liva í tí dystopiska veruleikanum. Soleiðis svaraði Teitur Lassen, tá eg spurdi hann um innihaldið á...