Veganskur chiabudingur

Jú, so er hesin leskiligi chiabudingurin júst nakað fyri teg! Hann er eyka lættur at gera, og tú skalt ikki eiga tað stóra inni - bert chiafrøini, ið tú kanska mást skaffa tær.

Chiafrø eru sera sunn, tey eru protein- og trevjurík, glutenfrí og full í nógvum góðum vitaminum.

Royn hann næstu ferð tú mungar eftir onkrum góðum.

Tú skalt brúka:

2 spsk. chiafrø

2 dl. mandlumjólk

1/2 tsk. vaniljuekstrakt

1/2 ella 1 banan

Jarðber

Bláber

Hakkaðar nøtir

Framferdarháttur:

Rør saman chiafrø, mandlumjólk og vaniljuekstrakt í einum glasi. Set í køliskápið í minsta lagi 1 tíma og rør í av og á (ber eisini til at standa náttina yvir). Blenda banan, jarðber og vatn saman og koyr oman á budingin.

Pynta við bláberum og hakkaðum nøtum. Smakkar eisini sera væl við agave siroppi.

Uppskriftin er av blogginum hjá Guðrun Gudmundsdóttir Mortensen og er at finna her.