- Tíðindi, mentan og ítróttur
Uttanríkisráðið fær átalu í uppsagnarmáli
<div>Uttanríkisráðið hevur fingið eina álvarsliga átalu frá Løgtingsins Umboðsmanni fyri handfaringina av einum uppsagnarmáli.</div><div><br></div><div>- Eg haldi, at viðgerðin av hesum máli hevur verið alt annað enn nøktandi. Tað er samstundis mín fatan, at Uttanríkisráðið í sambandi við sparingar og bygnaðarbroytingar als ikki hevur gjørt nakra meting av framtíðarvikrseminum og starvsfólkahópinum samanhildið við tær uppgávur, sum eitt skert Uttanríkisráð skuldi røkja.</div><div><br></div><div>Tað sigur Løgtingsins Umboðsmaður, sum hevur viðgjørt eina kæru um uppsagnir av starvsfólkum í Uttanríkisráðnum vegna sparingar, í niðurstøðuni.</div><div><br></div><div>- Vísandi til ta vantandi fyrisitingarligu viðgerðina heldur umboðsmaðurin, at talan var um grundleggjandi mistøk í málsviðgerðini av uppsagnarmálunum, og gevur tí Uttanríkisráðnum eina álvarsliga átalu fyri hetta, verður sagt. </div><div><br></div><div>Kæran snýr seg um grundarlagið undir og handfaringina av uppsagnunum av tveimum starvsfólkum.</div><div><br></div><div>Uttanríkisráðið grundgav uppsagnirnar við sparingum, men kærarin heldur grundgevingarnar vera ósakligar, og hevur víst á, at orsøk er til at halda, at uppsagniarnar vóru skeivar.</div><div><br></div><div>Kærarin metir, at tær uppsøgdu hava ikki hava fingið høvi til at gera viðmerkingar til veruligu uppsagnargrundirnar, sum tær meta vóru bygnaðarbroytingar.</div><div><br></div><div>Umboðsmaðurin mælir løgmanni til at umhugsa at taka hetta málið uppaftur til nýggja viðgerð, og vil hava løgmann at lata seg frætta, hvat víðari hendir í málinum. </div><div><br></div><div>Av tí at umboðsmaðurin heldur, at talan er um álvarslig brek við viðgerðini hjá Uttanríkisráðnum, verður álitið, samsvarandi § 10, stk. 1 í umboðsmanslógini, sent formansskapinum í Løgtinginum til kunningar.</div><div><br></div><div>Umboðsmaðurin ger annars ikki meira við málið.</div><div><br></div>
