- Tíðindi, mentan og ítróttur
Grønlendsk fólkatingskvinna vil viðurkenna Palestina
<p>Grønlendska fólkatingskvinnan, Sara Olsen, hevur saman við Eindarlistanum lagt fram uppskot í fólkatinginum um, at Danmark skal viðurkenna Palestina.</p><div><br></div><div>Sara Olsen, sum er vald fyri IA-flokkin, sigur, at uppskotið verður lagt fram, til tess at vísa samhuga við palestinska fólkinum.</div><div><br></div><div>- Eitt annað land hevur í mong ár stýrt okkum, grønlendingum, og vit eru sjálvi í eini tilgongd at fáa loysing, sigur Sara Olsvig við fakblaðið Arbejdersen, sambært KNR.</div><div><br></div><div>Hóast stjórnarflokkarnir í Danmark hava skrivað í samgonguskjalið, at Palestina skal viðurkennast sum sjálvstøðugt land, fær uppskotið ikki undirtøku í fólkatinginum.Stjórnarflokkarnir vilja heldur bíða eftir eini felags fráboðan frá ES ella ST í málinum.</div><div><br></div><div>- Fer Danmark at ganga egnar leiðir í hesum málinum, órógvar tað tilgongdina hjá ST at viðurkenna Palestina, sigur uttanríkispolitiski framsøgumaðurin hjá sosialdemokratunum, Jeppe Kofoed, við Arbejderen.</div><div><br></div><div>129 av teimum tilsamans 193 limalondunum í ST hava longu viðurkent Palestina sum sjálvstøðugt land. Teirra millum er Ísland. </div><div><br></div><div><i>Mynd: Sara Olsvig, fólkatingskvinna fyri IA (KNR)</i></div>
