- Tíðindi, mentan og ítróttur
Noreg hevur skyldu at gera sáttmála við Føroyar
<p>Noreg hevur skyldu at gera fiskirættindavtalu við Føroyar um botnfisk í Barentshavinum. </p><div><br></div><div>Tað sigur Torben Foss, advokatur, sum var løgfrøðiligur leiðari í norska fiskivinnudirektoratinum, tá Føroyar og Noreg gjørdu fyrstu fiskirættindavtaluna í 1979.</div><div><br></div><div>Lisbeth Berg-Hansen, fiskimálaráðharri, hevur gjørt greitt, at Noreg heldur ikki í ár ætlar at gera sínámillum fiskirættindasáttmála við Føroyar, tí føroyingar enn einaferð hava ásett sær sjálvum makrelkvotu.</div><div><br></div><div>Torben Foss sigur við Fiskeribladet/Fiskeren, at hann setur spurnartekin við, um Noreg kann lata vera við at gera fiskirættindasáttmála við Føroyar, tí eftir hansara tykki hevur Noreg skyldu til tess sambært avtaluni frá 1979.</div><div><br></div><div>- Eitt er, at tað ikki ber til at gera avtalu um uppsjóvarfiskin, men tað átti at borið til at gjørt avtalu um toskin, sigur Toben Foss við Fiskeribladet/Fiskaren.</div><div><br></div><div><b>Jacob Vestergaard undrast</b></div><div><br></div><div>Eisini Jacob Vestergaard, landsstýrismaður í fiskivinnumálum, undrast á norsku støðuna, hóast ósemja er um makrelin. Hann sigur við Fiskeribladet/Fiskaren, at makrelurin eigur ikki at verða tengdur at samstarvinum um onnur fiskasløg.</div><div><br></div><div>Jacob Vestergaard vísir á, at Noreg í 2010 gjørdi avtalu við Ísland um fiskiskap í Barentshavinum, sum er galdandi í fýra ár. Henda avtalan varð gjørd, til tess at steðga íslendska fiskiskapinum í Smoguni. </div><div><br></div><div>- Føroyar hava ongantíð boðið norðmonnum av í spurninginum um at fiska í Smoguni, sigur Jacob Vestergaard við norska blaðið.</div><div><br></div><div><i>Mynd: Enniberg er ein av flakatrolarunum, sum roynir eystanfyri, men sum ikki sleppur í norskan sjógv</i></div>
