Royndur bankamaður nevndarlimur í BankNordik

Bent Naur, sum í mong ár hevur verið stjóri í besta rikna banka í Danmark, verður nýggjur nevndarlimur í BankNordik

Bent Naur verÃ°ur nÃ½ggjur nevndarlimur Ã BankNordik.

19.03.2012 - 08:51

<div>Tá stjórin í Ringkjøbing Landbobank, Bent Naur, leggur frá sær síðst í apríl, verður hann ikki heilt arbeiðsleysur. Hann skal vera nevndarlimur í BankNordik, skrivar heimasíðan epn.dk.</div><div><br></div><div>Bent Naur hevur í 25 ár staðið á odda fyri bankanum, sum nógvir greinarar kalla best rikna bankan í Danmark. </div><div><br></div><div>Bent Naur sigur við epn.dk, at Klaus Rasmussen, nevndarformaður í BankNordik, bað hann koma í nevndina hjá BankNordik. BankNordik hevur aðalfund í morgin. </div><div><br></div><div>Samstundis sum Bent Naur gevst sum bankastjóri í Ringkjøbing Landbobank um ein góðan mánað fer hann úr sjey nevndum, millum annað nevndunum hjá Nykredit, Totalkredit og Bankdata. </div><div><br></div><div>BankNordik keypti í februar í 2010 12 deildir hjá Sparbank í Danmark og í fjør keypti føroyski bankin ein part av Amagerbanken.</div><div><br></div><div>- Eg skal leggja teimum lag á, hvussu til ber at fáa effektivt bankavirksemi burtur úr Amagerbanken og Sparbank, sigur komandi nevndarlimurin í BankNordik við epn.dk. </div>