Tupperware aftur á handilshillini

Lív er aftur í teimum kendu Tupperware-plastíløtunum, sum í fleiri áratíggju hava verið fastur partur av køksinnbúgvi hjá mongum.

Tupperware er nevniliga komið aftur á norðurlendska marknaðin eftir húsagang og fíggjarligar trupulleikar.

Amerikanska fyritøkan søkti um verju móti kravánarum í 2024, og seinni varð sølan í Evropa steðgað.

Men nú er lokið lyft av aftur.

Sambært Tupperware Nordic, so fevnir nýggja norðurlendska virksemið um Danmark, Noreg, Svøríki, Finnland og Ísland.

Í Danmark verða vørurnar millum annað seldar í Bilka og Føtex, meðan norska handilsketan Coop eisini hevur fingið Tupperware á hillarnar.

Tupperware varð stovnað í USA í 1946, og gjørdist serliga kent fyri síni plastóløt og tey vælumtóktu Tupperware-ballini, har fólk hittust heima hjá hvørjum øðrum at keypa køksútgerð.