- Tíðindi, mentan og ítróttur
Sera gott samstarv við Airbus
<p>Tað hevur eftir øllum at døma verið skemt, at nýggja Airbus-flogfarið skal eita Tróndur í Gøtu, sum miðlafólk í Hamburg vistu at siga fyrrapartin.</p><div>Nú siga tíðindini, at flogfarið eitur stutt og greitt Airbus 319.</div><div><br></div><div>Mongu gestirnir fáa nú høvi at síggja nýggja flogfarið, sum fer fyrsta túrin úr Hamburg til Føroya seinnapartin. Frammanundan var skipað fyri hátiðarhaldi við hangarin hjá Airbus-verksmiðjuni, har flogfarið er sett saman. </div><div><br></div><div>Millum teirra, sum hildu røðu, vóru Kaj Leo Holm Johannesen, løgmaður, Magni Arge, stjóri í Atlantsflogi, og umboð fyri Airbus-flogverksmiðjuna.</div><div><br></div><div><b>Sera gott samstarv</b></div><div><br></div><div>Magni Arge fegnaðist um sera góða samstarvið, sum Atlantsflog hevur havt við Airbus, síðani ætlanin um nýggja flogfarið varð sett á lunnar fyri fýra árum síðani. </div><div>Hann segði, at hóast Atlantsflog er eitt lítið flogfelag, hevur Airbus sýnt professionellan hugburð, og Atlantsflog hevur ongantíð merkt, at Airbus hevur gjørt mun á lítla føroyska flogfelagnum og øðrum stórum flogfeløgum.</div><div><br></div><div>Hetta er fyrsta Airbus-flogfarið til Atlantsflog, og nú verður bíðað í spenningi eftir, nær sáttmálin um eitt Airbus-flogfar afturat verður gjørdur, varð fleiri ferðir tikið til í røðunum við hátíðarhaldið.</div><div><br></div><div>Airbussurin verður helst fullsettur fyrsta túrin til Føroya. Umframt teir 100 gestirnar, verða fleiri umboð fyri Airbus-verksmiðjuna við flogfarinum, sum eftir ætlan skal setas seg í Vágum um fýra tíðina seinnapartin. </div>
