- Tíðindi, mentan og ítróttur
Reinari luft í Evropa
<div>Ein røð av limalondunum í ES samdust fyrradagin um eina avtalu, sum setir munandi strangari krøv til dálkandi evni í luftini.</div><div><br></div><div>Tað er serliga útlátið av amoniakki frá landbúnaðinum, og svávuli og køvievnum frá flutningstólum, sum skulu minka munandi.</div><div><br></div><div>Við avtaluni plikta londini seg til at hava minkað um dálkandi útlátið við upp til 60 prosentum í 2020.</div><div><br></div><div>Sum nakað nýtt eru krøv nú eisini um, at londini minka um útlátið av bitlum frá eitt nú brenniovnum.</div><div><br></div><div>Avtalan fær ikki stórvegis týdning fyri danska umhvørvispolitikkin, sum longu hevur sett sær sum mál at minka dálkandi útlátini við 60 prosentum í 2020.</div><div><br></div><div>Kortini hevur avtalan alstóran týdning, sigur danski umhvørvismálaráðharrin Ida Auken.</div><div><br></div><div>- Dálking kennir ongi landamørk. Tí er tað umráðandi, at onnur lond eisini minka um útlátið av hesum evnum. Út við 80 prosent av bitladálkingini kemur úr øðrum londum, sigur Ida Auken við Danmarks Radio.</div><div><br></div><div>Avtalan, sum er bindandi, hevur við sær, at fleiri ES-lond verða noydd at gera stórar broytingar í sínum umhvørvispolitikki</div><div><br></div>
