Rørd og errin Turið

Turið Arge Samuelsen fekk ikki hildið tárunum aftur eftir søguliga javnleikin ímóti Kroatia, sum tryggjaði føroysku hondbóltskvinnunum sítt fyrsta EM-stig.

 - Tað, at vit standa her í dag, er prógv upp á, at eru tað bert nøkur fá fólk, sum trúgva upp á, at mann kann koma langt, so kemur mann ótrúliga langt segði Turið Arge Samuelsen, sum skeyt fimm av teimum 17 málunum, sum Føroyar fingu í dag.

 - Eg hevði ongantíð ímynda mær, at vit yvirhøvur fóru at vera her og so at fáa stig, segði royndi vongurin.

Føroyar stríddust allan dystin á tamb og hingu í nógv royndara kroatiska liðnum. Tað gekk kortini illa at koma framum, og ta einu løtuna, tá tað var javnleikur, fóru trý skot ein stengurnar.

Tí kundi tað í roynd og veru verið upp aftur betri, men tað hugsaðu føroyingarnir ikki um, tá síðsta bríksl ljóðaði og søguliga stigið var tryggjað.