Dýrari hjá teimum gomlu

Gjøldini fyri búpláss, heimahjálp og umlætting í Tórshavnar kommunu hækka á nýggjárinum.

Tað verður gjørt sambært uppskotinum hjá Kommunufelagnum um felags leist.

Kunngerð um eldratænastur kom 1. apríl í fjør.

Sambært henni fáa kommunur heimild til sjálvar at áseta gjøld fyri sínar eldratænastur.

Gjaldið fyri búpláss er ásett eftir inntøku umframt fólkapensjón og samhaldsfasta.

Minsta hækkingin er 1.007 krónur um mánaðin, tann størsta er 2.050 krónur.  

Heimahjálpin verður níggju krónur dýrari um tíman hjá teimum, sum tjena millum 50.000 og 55.000 um árið, og 35 kr. hjá teimum, sum hava inntøku, sum er 275.000 kr. ella meira enn tað. 

Umlætting fer at kosta 27 kr. meira fyri samdøgrið.

Tað geva til dømis 189 kr. meira um vikuna.