- Tíðindi, mentan og ítróttur
Nýval verður í Grikkalandi
<p>Nýval verður í Grikkalandi.</p><div><br></div><div>Tað sigur formaðurin í sosialdemokratiska flokkinum Pasok, Evangelos Venizoles, sambært Reuters.</div><div><br></div><div>Forsetin í Grikkalandi gjørdi seinnapartin eina seinastu roynd at fáa flokkarnar at semjast um at skipa stjórn, men tað miseydnaðist, og tí verður nýval.</div><div><br></div><div>Samráðingarnar slitnaðu bert níggju dagar eftir tjóðartingsvalið, har eingin flokkur fekk neyðuga meirilutan at skipa stjórn. Sostatt er eingin politisk loysn í eygsjón í Grikkalandi, og eygleiðarar vænta, at tað bert er ein spurningur um tíð, til landið noyðist at fara burtur úr evru-samstarvinum.</div><div><br></div><div>Enn er ikki avgjørt, nær nýval verður, men nógv bendir á, at tað verður miðskeiðis í juni. Ein fyribilsstjórn verður skipað í morgin, sigur ein talsmaður fyri forsetan, Karolos Papoulias.</div><div><br></div><div><b>Í stjórnarloysi</b></div><div><br></div><div>Grikkaland hevur ligið í stjórnarloysi síðani tjóðartingsvalið. Tríggir floksleiðarar og forsetin hava roynt at skipa ein samgongustjórn, men til fánýtis. </div><div><br></div><div>Úrslitið av valinum vísti, at í tinginum sita nú flokkar, sum annaðhvørt eru fyri ella ímóti krepputiltøkunum, ið vórðu sett í verk, til tess Grikkaland kann fáa lán úr øðrum evru-londum.</div><div><br></div><div>Og henda støðan ger, at eingin møguleiki er at skipa samgongustjórn.</div><div><b><br></b></div><div><br></div>
