- Tíðindi, mentan og ítróttur
Leingja helst útbjóðingina enn einaferð
<div>Helst verður neyðugt at útseta dagin fyri, nær tilboðini upp á Marknagilsdepilin verða latin upp, enn einaferð.</div><div><br></div><div>Tað skuldi vera 21.mai, men varð útsett til 30.mai í fyrsta umfari. Men helst koma nakrar vikur afturat.</div><div><br></div><div>Handverksmeistarafelagið - sum umboðar 15 av teimum 21 fyritøkunum, sum eru undangóðkendar at bjóða uppá arbeiðið - hevur gjørt greitt í brævi til Landsverk, at breið semja er í vinnuni um, at útbjóðingartilfarið í sambandi við Marknagilsdepilin má rættast, tí tað er ov torskilt.</div><div><br></div><div>Hetta verður nú gjørt, serliga er talan um fasadurnar og stálkonstruksjónirnar, sigur Ewald Kjølbro, stjóri á Landsverki. Arbeiðið er ikki liðugt enn, men ein kunning kemur seinni í dag, sigur hann.</div>
