- Tíðindi, mentan og ítróttur
Flogbóltslandsliðið tapti fyri San Marino
<p>Alt sá gott út, tá hevarin, Eina Kalsøe, hegnisliga lumpaði allar á San Marino liðnum, við at sláa bólt nummar tvey spakuliga yvir netið og niður í gólvið, og har við trygga Føroyum fyrsta settið, við úrslitinum 25-22.</p><div><br></div><div>Men so byrjaði nakrir leikarar á San Marino liðnum veruliga at trakka í karakter, og teir vóru ikki til at steðga. Tá føroyska liðið samstundis hevði trpulleikar við móttøkuni og byrjaði at gera fleiri tekniskar feilir, bar ikki til at gera nakað við San Marino.</div><div>San Marino vann sannførandi trý sett á rað, 20-25, 16-20 og 15-20 og sostatt vunnu tær 3-1 á Føroyum.</div><div><br></div><div>Landsliðsleikarin, Helen á Lakjuni, ergraði seg eftir dystin um teir mongu feilirnir, føroysku leikararnir gjørdu í dystinum. Men hon viðgekk tó, at Føroyar í kvøld taptu fyri einum betri liði.</div><div><br></div><div>Men enn ber nógv til. Vinna Føroyar á Íslandi í triðja og síðsta dystinum, so eru tær helst komnar víðari. Nummar eitt og tvey í bólkinum fara víðari til enn eitt EM-undanumfarð, har 3 av fýra liðum í hvørjum bólki fara víðari.</div><div>Avgerandi dysturin móti Íslandi verður í morgin klokkan 14.30, og útvarpið sigur beinleiðis frá dystinum.</div><div><br></div>
