- Tíðindi, mentan og ítróttur
Biðja um at leingja varðhaldsfongslingina
<div>Í dag fer fútin at biðja Føroya rætt um at lata mannin, sum gjørdi um seg í Suðuroynni 7. mai, vera fýra vikur afturat í varðhaldinum.</div><div><br></div><div>Maðurin er skuldsettur fyri millum annað drápsroynd, tá hann skeyt út gjøgnum eitt vindeyga í gistingarhúsinum í Øravík, meðan politiið og avvarðandi hjá manninum vóru í túninum.</div><div><br></div><div>Hann er eisini skuldsettur fyri at hava sett eld á inni í matstovuni í gistingarhúsinum.</div><div><br></div><div>Maðurin, sum er 21 ára gamal, varð varðhaldsfongslaður í grundlógaravhoyring sunnukvøldið 7.mai. Hann tók í grundlógaravhoyringini ikki rættiliga støðu til skuldsetingarnar, tí hann segði seg lítið og einki minnast.</div><div><br></div><div>Rætturin avgjørdi, at maðurin skuldi persón- og mentalkannast. Persónkanningin er liðug, men tað er mentalkanningin ikki. </div><div><br></div><div>Bíðað verður eisini eftir úrslitunum av kriminalteknisku kanningunum, sum verða gjørdar í Danmark.</div><div><br></div><div>Fýra serfrøðingar úr Danmark kannaðu skaðarnar í gistingarhúsinum í Øravík. Talan er um tríggjar brunaserfrøðingar og ein vápnaserfrøðing.</div><div><br></div>
