- Tíðindi, mentan og ítróttur
Fíggjarkreppan í Grikkalandi styggir ferðafólk
<div>Grikkaland er í svárari fíggjarkreppu, og sum stein oman á byrðu missir landið nú eisini ferðafólkini.</div><div><br></div><div>Í mai mánaði vóru bíleggingarnar frá ferðafólkum bert ein triðingur av tí, tær vóru sama mánað í fjør, skrivar Wall Street Journal.</div><div><br></div><div>Fólk tora ikki at fara til Grikkalands, tí tey óttast fyri, at tey ikki fáa mat og pengar í landinum.</div><div><br></div><div>- Eg havi fingið spurningar frá viðskiftafólkum, um tað er nóg mikið av mati og pengum í landinum, ella um tey sleppa av oynni aftur, sigur Christina Tetradis, forkvinna fyri Laga-nas gistingarhúsini á oynni Zakynthos.</div><div><br></div><div>Har er talið á týskum ferðafólkum minkað 40 prosent í ár, bretar eru 20 prosent færri, og talið á írskum ferðafólkum er minkað niður í eina helvt.</div><div><br></div><div>At ferðafólkini svíkja er ein stórur trupulleiki fyri grikska búskapin, tí ferðavinnan er 16 prosent av bruttotjóðarúrtøkuni. Ein fimtingur av fólkinum í Grikkalandi arbeiðir í ferðavinnuni.</div><div><br></div>
