- Tíðindi, mentan og ítróttur
Nýtt Fólkaræði á odda í Grikkalandi
<div>Úrslitið av valinum er at Nýtt Fólkaræði hevur vunnið frammanfyri vinstraflokkinum Syriza. Valið er sera javnt, og broytingar kunnu henda komandi tímarnar. Greitt er eisini at tað verður hvørgin av vinnandi flokkunum sum kann stjórna landinum uttan hjálp frá øðrum flokkum. Úrslitið kann gerast at grikkar aftur noyðast til valhølini um ikki so langa tíð.</div><div>--</div><div>Grikkar, eins og restina av Evropa, halda ondini, nú fólkið skal gera av, hvørja kós griska samfelagið velir.</div><div><br></div><div>Tjóðartingsvalið í landinum í dag er av eygleiðarum mett sum tað týdningarmesta í nýggjari tíð.</div><div><br></div><div>Valið stendur millum borgarliga Nýtt Fólkaræði og vinstrasamgonguna Syriza.</div><div><br></div><div>Ongar almennar veljarakanningar eru loyvdar síðstu tvær vikurnar fyri eitt tjóðartingsval, men óalmennu kanningarnar hava víst, at sera tætt er millum flokkarnar.</div><div><br></div><div>Fyrstu, sonevndu exitpoll-kanningarnar vísa eisini, at púra javnt er millum flokkarnar, ið báðir fáa millum 27 og 30 prosent av atkvøðunum.</div><div><br></div><div>- Í dag tosar griska fólkið. Í morgin byrjar eitt nýtt tíðarskeið fyri Grikkaland, segði Antonis Samaras, leiðari fyri
Nýtt Fólkaræði, tá hann greiddi atkvøðu fyrr í dag.</div><div><br></div><div>- Vit hava vunnið á óttanum. Í dag lata vit upp eina vón um framtíðina, segði Alexis Tsipras, leiðari fyri Syriza, tá hann greiddi sína atkvøðu.</div><div><br></div><div>Sambært eygleiðarum kann framtíðin hjá Grikkalandi vera rættuliga ymisk, alt eftir hvør teirra vinnur valið.</div><div><br></div><div>Tsipras hevur lovað at skræða sundur avtalurnar við ES, evropeiska miðbankan og IMF og leggja trýst á tey sum landið skyldar pengar, fyri at fáa betri lánitreytir.</div><div><br></div><div>Avleiðingin av hesum kann vera, at Grikkaland má veittra farvæl til ES-samstarvið.</div><div><br></div><div>Samaras sum hevur sitið við valdið í Grikkalandi síðstu mánaðirnar, ynskir eisini nýggjar samráðingar við altjóða samfelagið, men flokkurin er ikki er so avgjørdur og víðgongdur í sínum krøvum sum Syriza. Samaras hevur undan valinum ávarað sínar veljarar um, at tjóðartingsvalið er eitt val millum evruna og gomlu, grisku drakmarnar</div><div><br></div><div>Hesir báðir flokkkar liggja langt frammanfyri Pasok-flokkin, ið var stjórnarberandi undir samráðingunum við ES, evropeiska miðbankan og altjóða gjaldoyrisgrunnin IMF um kreppuloysnir fyri kollsiglda, griska búskapin. </div><div><br></div><div>Kreppuloysnirnar geva Grikkalandi umleið 130 milliardir evrur, smáar 1000 milliardur krónur, í kreppuhjálp, fyrst og fremst frá hinum ES-londunum. Afturfyri bindir Grikkaland seg til eina røð av átøkum fyri at fáa kollsiglda búskapin á føtur aftur.</div><div><br></div><div>Í gjárkvøldi heitti týski samveldiskanslarin, Angela Merkel á griska fólkið um at velja við ábyrgd.</div><div><br></div><div>- Tað er av alstórum týdningi at valúrslitið gevur eitt greitt úrslit, soleiðis at ein komandi stjórn í Grikkalandi kann veita vissu fyri, at landið eisini heldur sínar avtalur og bindingar, segði Merkel.</div><div><br></div><div>Hon er saman við øðrum av evropeisku leiðarunum áveg á G20-toppfund í Mexiko, har valúrslitið og avleiðingarnar fyri Grikkaland í evro-samstarvinum sambært eygleiðarum fara at seta dagsskránna. </div><div><br></div><div>Higartil er tjóðartingsvalið farið stillisliga fram. </div><div><br></div><div>9,8 milliónir grikkar hava valrætt. Hetta er aðruferð í seks vikur, at tjóðartingsval er í Grikkalandi.</div><div><br></div><div>300 sessir eru í griska tjóðartinginum. Griska valskipanin er soleiðis skipað, at størsti flokkur fær 50 sessir eyka í tjóðartingið. Tí er avgerandi fyri komandi stjórnarsamráðingar, hvørt tað verður konservativi Nýtt Fólkaræði ella vinstrasamgongan Syriza, ið fær flestar atkvøður á tjóðartingsvalinum ídag.</div>
