- Tíðindi, mentan og ítróttur
Oljuprísurin kann fara niður í helvt
<p>Tað er oljugreinarin hjá norska bankanum DNB, Torbjørn Kjus, sum í eini samrøðu við E24 sigur at sum støðan er í løtuni, so er ikki ómøguligt at oljuprísurin raplar til einar 50-60 dollarar fyri fatið.</p><div>Síðani 1. mai er prísurin á eini tunnu av norðsjóvarolju fallin úr 119 dollarum til 89 dollarar, ið var prísurin fríggjadagin seinnapartin. Somu prísundanbrekku síggja vit fyri tað amerikansku WTI-oljuna, ið er fallin úr 106 dollarum og niður í 68 dollarar.</div><div><br></div><div>DNB-greinarin heldur at oljuprísurin kann fara niður í eina helvt, samanborið við prísin 1. mai. Torbjørn Kjus heldur, at tað eru tríggjar høvuðsorsøkir til at prísurin nú lækkar á oljuni.</div><div><br></div><div><b>Orsøkir til lækkandi oljuprísir</b></div><div><br></div><div>1. Íleggjarar hava seinnu árini brúkt olju sum ein part av sínum íløgubólkum. Hetta ger, at oljuprísurin kann verða raktur av fígjarligum sveiggjum. Í mars í ár vóru óvanliga nógvir íleggjarar sum sótu á sokallaðum fíggjarligum oljuavtalum. Tá prísurin so fellur, so gerst trongt í útsøludiskinum, og prísurin fellur.</div><div><br></div><div>2. Harafturat hava fleiri lond lagt olju á goymslu í 2012. Fyrst gjørdi Kina tað, og seinni valdi USA at gera tað sama. Saudi-Arabia skal eisini hava koyrt nógva olju á goymslu.</div><div><br></div><div>3. Higartil í ár er vøksturin í Kina, USA og Europa lægri enn ein hevði roknað við. Tað ger at eftirspurningurin eftir olju dalar.</div><div><br>Torbjørn Kjus sigur í samrøðuni við E24, at hann roknar við einum lægri oljuprísi komandi tíðina, men hann roknar ikki við, at hann gerst so lágur sum 36 dollarar fyri norðsjóvarolju, ið var prísurin undir fíggjarkreppuni í 2008. </div><div><br></div><div>Hann roknar við, at prísurin, aftaná at hava verið niðri á eini 60 dollarum, kemur at leggja seg í eina legu millum 70 og 80 dollarar í eina tíð.</div>
