Sleppa ikki í Landsrættin við úrskurði um steðgandi virknað

Fíggjarmálaráðið sleppur ikki í Landsrættin við úrskurðinum í Føroya rætti um steðgandi virknað í sambandi við umval í Runavíkar kommunu.

Procesbevillingsnævnet hevur noktað umsóknini frá Fíggjarmálaráðnum, boðar Fíggjarmálaráðið frá í dag. 

9. januar gjørdi Føroya rættur úrskurð um, at stevningin hjá fimm kommunustýrislimum í Runavíkar kommunu skuldi hava steðgandi virknað. Tí var avgerðin hjá táverandi Løgmálaráðnum, nú Fíggjarmálaráðnum, um umval í Runavíkar kommunu útsett.

Býráðslimir í Runavík og Føroya rættur, Føroya rættur og býráðslimir í Runavík

Fíggjarmálaráðið kærdi úrskurðin til Eystara landsrætt, men tað krevur loyvi frá Procesbevillingsnævnet.

Nú hevur Procesbevillingsnævnet gjørt av at nokta umsóknini frá Fíggjarmálaráðnum. Í slíkum úrskurðum verður ikki grundgivið fyri avgerðini.

Sjálvt rættarmálið millum teir fimm kommunustýrslimirnar og Fíggjarmálaráðið um avgerðina at ógilda kommunuvalið í Runavíkar kommunu í 2024 og at hava umval heldur fram í Føroya rætti.