- Tíðindi, mentan og ítróttur
Fráfaringaraldurin í SEV er 67 ár
<div>Fráfaringaraldurin hjá SEV verður ikki broyttur. Hann er og verður 67 ár, sigur Jákup Suni Lauritsen, nevndarformaður í SEV.</div><div><br></div><div>Landsfelag Pensjónista mótmælti, at SEV avgjørdi, at fólk, sum arbeiða hjá SEV, noyðast at gevast, tá tey fylla 67.</div><div><br></div><div>Landsfelagið segði, at hetta stríðir ímóti galdandi lóg og hægstarættardómum í Noregi og Danmark. Landsfelagið vísti eisini til Evropeiska mannarættindasáttmálan.</div><div><br></div><div><b>Løgfrøðiligt upprit</b></div><div><br></div><div>Nevndin hjá SEV hevur viðgjørt málið. Millum annað hevði hon eitt løgfrøðiligt upprit frá Kommunusamskipanini. Hetta uppritið sigur, at tá eingin lógarregulering er um fráfaringaraldur, kann hann ásetast við vanliga leiðslurættinum hjá arbeiðsgevaranum.</div><div><br></div><div>Jákup Suni Lauritsen, nevndarformaður, sigur, at SEV hevur fingið umbering frá sakførara, har hann harmast um, at hann mistók seg, tá hann í Útvarpinum segði, at 67 ára fráfaringaraldurin hjá SEV var brot á Evropeiska mannarættindasáttmálan. Tí tann sáttmálin fevnir ikki um mál sum hetta.</div><div><br></div><div>Niðurstøðan hjá SEV er tann sama: Fráfaringaraldurin er 67 ár.</div><div><br></div><div><br></div>
