- Tíðindi, mentan og ítróttur
Slættaberg kann enda á norskum svartalista
<div>Endar norska nótaskipið, Kanstadfjord, sum er selt til Føroya, á norskum svartalista, ber ikki til at keypa skipið aftur til Norra, skrivar Fiskeribladet/Fiskaren.</div><div><br></div><div>P/f Næraberg í Klaksvík hevur keypt Kanstadfjord, sum er komin til Klaksvíkar, og nú eitur Slættaberg. </div><div><br></div><div>Noreg hevur ein svartalista við skipum, sum millum annað fiska av kvotum, sum Noreg ikki góðtekur. Føroyska makrelkvotan er ein teirra. </div><div><br></div><div><b>Kunnu ikki keypast aftur</b></div><div><br></div><div>Truls Konow, deildarstjóri í norska Fiskivinnuráðnum, sigur við Fiskeribladet Fiskaren, at norsk fiskiskip, sum eru seld til Føroya ella Íslands, kunnu ikki keypast til Norra aftur, enda tey á svartalistanum. </div><div> </div><div>Truls Konow sigur tó, at hansara deild hevur ongantíð mælt til at brúka svartalistar sum vápn í makrelstríðnum.</div><div><br></div><div>Og starvsbróðir hansara í einari aðrari deild í Fiskivinnuráðnum, Stein-Åge Johnsen í Tilfeingisdeildini, sigur eisini, at grundarlag er ikki fyri at seta skip, sum fiska makrel í Føroyum ella Íslandi, á nakran svartalista.</div><div><br></div><div><b>Hetta er business</b></div><div><br></div><div>Reiðarin í Ytterstad Fiskeriselskap, Magnus Ytterstad, sum seldi Kanstadfjord til Føroya, sigur við Fiskeribladet/Fiskaren, at hann ivaðist ongantíð í at selja skipið til eitt land, sum er í makrelkríggi við Norra og ES. </div><div><br></div><div>- Yvirhøvur ikki. Hetta er business og einki annað. Føroyingar vildu keypa skipið, og vit fingu ein prís fyri tað, sum vit eru nøgdir við, sigur Magnus Ytterstad við norska fiskivinnublaðið.</div><div><br></div><div>Sambært Fiskimálaráðnum her hjá okkum varð Slættaberg skrásettur í Føroyum í gjár. Skipið hevur enn ikki fingið nakað fiskiloyvi. Slættaberg, sum er bygdur í 1995, skal fiska makrel og taka í móti makreli í summar. </div><div><br></div><div>Í 2006 seldi Ytterstad Fiskeriselskap verksmiðjutrolaran M Ytterstad, sum fiskar uppsjóvarfisk, til Islands. </div><div> </div><div><br></div>
