- Tíðindi, mentan og ítróttur
Kangerlussuaq-flogvøllurin er ikki hóttur
<div>Jens B. Frederiksen, landsstýrismaður í samferðslumálum, var í gjár í Kangerlussuaq, og hann segði, at eingin vandi er fyri, at flogvøllurin ikki kann brúkast í framtíðini av ótta fyri vatnflóð. </div><div><br></div><div>Tað hevur verið óvanliga lýtt í Grønlandi í summar, og tiðnaður innlandsísur fossaði fram við flogvøllinum, sum er sambandið hjá Grønlandi við umheimin.</div><div>3,5 milliónir litrar av vatni fóru hvørt sekund eftir ánni við flogvøllin. Hetta er met har á staðnum. Gamla metið var frá 1984, tá tvær milliónir litrar av vatni um sekundið fóru eftir ánni.</div><div><br></div><div>Ein brúgv sunnan fyri farstøðina hevur fingið skaða og eisini ein vatnleiðing, men flogvøllurin hevur tó vatn, skrivar blaðið Sermitsiaq í dag.</div><div>Áin tók eina 20 tons tunga gummigeit við sær, sum var hon ein bóltur. </div><div>Nú tað sigst, at veðurlagið verður lýggjari og lýggjari er sannlíkt, at styttri verður millum slíkar vatnflóðir í Paradísdalinum í Grønlandi. </div><div><br></div><div>Men eftir floymin hesa ferð fara landsstýrið og kommunan at taka stig, sum skulu forða fyri, at skaðar henda. Millum annað skal brúgvin, sum nú fór, styrkjast, og vatnrør og elkaðalar verða fluttir, so tey liggja uttan fyri vandaøkið.</div><div><br></div><div>Men flogvøllurin er ikki í vanda, hvørki beint nú ella í framtíðini, verður sagt. </div><div><br></div><div>Her hjá okkum er hinvegin so lítið vatn, at í dag brúkar SEV olju til 99 prosent og vind til eitt prosent av elframleiðsluni, vatnorka er eingin. SEV brúkar 900 tons av olju um vikuna, nú turkur er. </div><div><br></div>
