- Tíðindi, mentan og ítróttur
Nevningatingið í sambandi við "Pidda" er útsett
<div>Nevningatingið móti manninum, sum síðani november hevur sitið varðhaldsfongslaður, skuldsettur fyri at hava dripið Dánjal Petur Hansen, er útsett. Tað skrivar Portalurin. </div><div><br></div><div>Rættarmálið skuldi byrja 3. september, men nú hevur ákærumyndugleikin biðið um meira tíð til at kanna nýggjar upplýsingar, ið eru komnar fram í málinum. </div><div><br></div><div><b>Umfatandi kanningar</b></div><div><b><br></b></div><div>Peter Thaysen, løgregluovasti, sigur við Útvarpið, at talan er um umfatandi kanningar, ið skulu gerast, og tí verður neyðugt at útseta rættarmálið í nakrar vikur ella mánaðar.</div><div><br></div><div>-Vit vænta, at kanningarnar verða lidnar síðst í næstu viku, og síðani skal ákærumyndugleikin gera sínar metingar av kanningarúrslitunum, sigur hann.</div><div><br></div><div>Nýggju upplýsingarnar í málinum høvdu við sær, at løgreglan í farnu viku gjørdi kanningar í Neshaga. Peter Thaysen vil einki siga um, hvørjar tær nýggju upplýsingarnar eru, ella um nakað er funnið. </div><div><br></div><div><b>Alt skal kannast</b></div><div><br></div><div>-Vit gevast ikki, fyrrenn alt er liðugt kannað, og tað má taka tað tíð, tað tekur, sigur hann. </div><div><br></div><div>Hann kann ikki siga nakað um nú, nær nevningatingið móti tí varðhaldsfongslaða manninum verður, men tað kunnu ganga einir tveir mánaðar, áðrenn rætturin fer undir at viðgera ákærurnar móti manninum, sum løgreglan heldur hevur dripið og beint fyri Dánjal Petur Hansen. </div>
