- Tíðindi, mentan og ítróttur
Russar seta Pacific Andes upp á pláss
<p>Ein nevnd við russiska forsætisráðharranum, Dmitry Medvedev, á odda, er í løtuni við at kanna viðurskiftini hjá útlendskum fyritøkum - serliga útlendskum fyritøkum í russisku fiskivinnuni. Endamálið er at fáa feløgini at halda seg til landsins lógir.<br><br><b>Lafayette</b><br>Á einum fundi 30. juli tók nevndin felagið Pacific Andes sum dømi um eitt felag, har viðurskifti eru sera ivasom, og sum skulu kannast nærri. Pacific Andes er móðurfelag hjá væl kenda makrel-móttøkuskipinum í Føroyum, Lafayette.<br><br><b>Óskil</b><br>Nevndin sigur, at neyðugt er at taka upp samband við slík útlendsk feløg í russisku fiskivinnuni, tí ov lítið skil er á. Serliga illa stendur til við teimum feløgum, sum arbeiða innan russisku fiskivinnuna heilt har eysturi í Russlandi. Tað sæst í einari fundarfrásøgn, sum sjálvur Dmitri Medvedev hevur undirskrivað.<br><br><b>Ólógligt virksemi</b><br>- Í nøkur ár hava útlendsk feløg, millum annað Pacific Andes, roynt at fingið ræðið á fleiri russiskum feløgum innan fiskivinnuna, stendur í fundarfrásøgnini.<br><br>- Úrslitið av hesum ólógliga virksemi er, at milliardir oman á milliardir rublar eru kanaliseraðir út úr Russlandi, og tað hevur skatt russiska búskapin, sigur fyrrverandi forsetin, núverandi forsætisráðharrin, í fundarfrágreiðingini frá fundinum hin 30. juli.</p><div><br></div><div>Sambært almennum innliti, vit hava fingið í móttøkuloyvið hjá Lafayette, sæst, at eigari á m/s Lafayette er Premium Choice Group, Offshore Incorporation Centre, British Virgin Islands (sum er felag undir Pacific Andes International Holdings Limited).</div><div><br><br>Kelda: IntraFish<br></div>
